Монголын Уран Нугаралтын Чуулга Уулзалт 2026
Онцлох үйл явдлын дэлгэрэнгүй
Нээлтийн тоглолт
6-р сарын 19, 20, 21-нд
19:30–20:30
Дэлхийн өнцөг булан бүрээс ирсэн зочин уран бүтээлчид Монголын циркийн жүжигчид, хөгжимчид, дуучидтай нэг тайзнаа нэгдэн дэлхийн түвшний нээлтийн тоглолтыг толилуулна.
Энэ нь ур чадварын дээд түвшин, уламжлал болон орчин үеийн урлагийг хослуулсан байх бөгөөд дараагийн өдрүүдийн өнгийг тодорхойлно.
Бэсрэг Наадам
6-р сарын 19, 14:30–17:30
Наадам нь жил бүрийн долоодугаар сард болдог Монголын томоохон баяруудын нэг юм. Улсын өнцөг булан бүрээс нүүдэлчид Улаанбаатар хотод цугларч, хурдан морь, сур харваа, бөхийн барилдаан зэрэг уламжлалт тэмцээнд оролцож, үзэж сонирхдог.
Оролцогчдод Монгол соёлыг гүн гүнзгий мэдрүүлэхийн тулд энэхүү арга хэмжээний үеэр бөхчүүд, харваачид, морьтонгуудын амьд үзүүлбэрүүдийг толилуулж, эдгээр уламжлалыг шууд мэдрэх боломжийг олгоно.
Семинар
6-р сарын 19, 10:15–11:15
6-р сарын 20, 08:30–09:30
Сүүлийн 50 жилийн хугацаанд уран нугаралтын түүх, хөгжлийг судалсан хэлэлцүүлгүүдийг зохион байгуулна.
Мөн уран нугаралт, тэнцвэрийн жүжигчид карьераа хэрхэн эхлүүлэх, дэлхийн нэр хүндтэй тайзан дээр хүлээн зөвшөөрөгдөн хэрхэн амжилтанд хүрэх талаар мэргэжлийн туршлага, зөвлөгөөг хуваалцана.
Баримтат кино
6-р сарын 19, 11:15 - 11:45
Уран нугаралтын хувьсал, үе үеийн сургалтын арга барилын хөгжилийн талаар онцлон бэлтгэсэн кино.
Уламжлалт сургалтын арга барилаас орчин үе рүү хэрхэн өөрчлөгдсөн зэрэг уран нугаралтын талаарх гүнзгий ойлголтыг олгоно.
Гар дээрх тэнцвэрийн тэмцээн
6-р сарын 20, 09:40 - 10:40
Хөнгөн, сонирхолтой уур амьсгал бүрдүүлж, арга хэмжээг эхлүүлэхийн зэрэгцээ хамт олноороо холбогдох боломжийг бүрдүүлнэ.
Оролцогчдыг нэг болон хоёр гар дээр урт хугацаанд тэнцвэр барих, уран нугаралтын дасгалууд зэрэг хөгжилтэй сорилтуудад оролцон, хүч чадлаа сорьж хамтдаа хөгжилдөхийг у рьж байна.
Сургалтын студиудын тайлан тоглолт
6-р сарын 21, 17:00 - 18:30
Орон нутгийн студиудын сурагчид тайзнаа гарч, өөрсдийн уран бүтээлээ танилцуулан, бэлтгэл сургуулилтаа олон нийттэй хуваалцана.
Хичээл зүтгэл, ахиц дэвшил болон Монголын уран нугаралтын дараагийн үеийг тэмдэглэх мөч.
Нээлттэй воркшопууд
6-р сарын 20-21, 09:00 - 18:10
Олон улсын уран бүтээлчид, багш нар хоёр өдрийн турш төрөл бүрийн воркшопуудыг удирдан явуулна. Оролцогчид хүссэн тоогоороо хичээлд оролцож, өөр өөр арга барил, хэв маяг, дадлагын чиглэлүүдийг судлах боломжтой.
Зарим воркшопууд бүх түвшинд нээлттэй бол зарим нь ахисан түвшний оролцогчдод зориулагдсан бөгөөд дэлхийн шилдэг багш нараас шууд суралцан, техникээ гүнзгийрүүлэх боломжийг олгоно.
Сурын харвааны воркшоп
6-р сарын 20, 13:20 - 14:20
6-р сарын 21, 11:10 - 12:10
Дасгал сургуулилтаас гадна, Монголын сур харвааны онцлог, уламжлалыг мэдэрч, идэвхитэй оролцоорой.
Энэхүү воркшоп нь хоёр өдрийн турш үргэлжлэх тул та хоёр хичээлд хоёуланд нь оролцоно уу.
